తమిళ అమ్మ జయహే.. జయ

సమకాలీన రాజకీయాల్లో తమిళనాడు ముఖ్యమంత్రి జయలలిత తనకంటూ ప్రత్యేక చరిత్రను కలిగి ఉన్నారు. ఒంటరి పోరాటం చేయడంలో, ప్రత్యర్థులపై ప్రతీకారం తీర్చుకోవడంలోనూ ఆమెకెవరూ సాటి లేరని అంటారు. కాంగ్రెస్‌తో పొత్తు కుదుర్చుకోవడంలో, తెంచుకోవడంలో ఎప్పటికప్పుడు తనదైన వ్యూహాలను అనుసరిస్తుంటారు. ఆమె ధాటికి తట్టు కోవడం కాంగ్రెస్‌కు కష్టంగా మారింది. ఈ నేపథ్యంలో తాజాగా తమిళనాడు రాష్ట్రానికి ఆంధ్రప్రదేశ్‌ మాజీ ముఖ్యమంత్రి రోశయ్యను గవర్నర్‌గా నియమించడంతో జయలలిత మరోసారి వార్తల్లోకి ఎక్కారు. కే

ఈ నియామకం వెనుక తమిళనాడుకు చెందిన కేంద్రమంత్రి పి.చిదంబరం హస్తం ఉందన్న వార్తలు వెలువడ్డారు. తమిళనాడులో జయలలిత వ్యూహాల గురించి ఎప్పటికప్పుడు సమాచారం అందించేందుకు ఈ నియామకం జరిగిందన్న ఊహాగానాలు వచ్చారుు. తాజాగా తమిళనాడులో మరో మాజీ మంత్రి, మాజీ ఎమ్మెల్యే భూఆక్రమణ కెసుల్లో అరెస్టయ్యారు. ఇప్పటికే

ఇద్దరు మాజీ మంత్రులు, ఇద్దరు ఎమ్మెల్యేలు అరెస్టరున నేపథ్యంలో తాజా అరెస్టులు డీఎంకెలో కలవరం సృష్టిస్తున్నారు. ఎంతటివారినైనా వదిలేది లేదని జయలలిత ప్రకటించారు.

‘అమ్మ’ ఇంకెలాంటి ప్రతీకార చర్యలు తీసుకుంటుందోనని డీఎంకె వారు భయాందోళనలకు గురవుతున్నారు. ఇవన్నీ ఎలా ఉన్నా జయలలిత మాత్రం ఎలాంటి వివాదాస్పద వ్యాఖ్యలు చేయకుండానే తనపని తాను చేసుకుపోతున్నారు. ఆమె అనుసరించే వ్యూహాలపై, చేపట్టబోయే పనులపై ఎంతో ఉత్కంఠ నెలకొంటోంది.

 

జయలలిత! ఆ పేరు చెప్పగానే ఆమె ప్రస్తుత రూపం కళ్ళ ముందు కదు లాడినప్పటికీ, పాత తరం వారికి మాత్రం మదిలో ఓ సౌందర్యరాశి రూపం మెదలుతుంది. ఒకనాడు వెండితెరపై రాణించిన జయలలిత నేడు రాజకీ యాల్లో తన సత్తా చాటుకుంటున్నారు. ఆమె ఎంజీఆర్‌ వారసత్వంతో రాజకీ యాల్లోకి అడుగు పెట్టారు. అనతికాలంలో ఎంతో పేరుప్రఖ్యాతులు సాధిం చిన ఆమెను అన్నాడీఎంకే లోని వారంతా ‘అమ్మా’ అని ప్రేమగా పిలుచు కుంటారు.

రాజకీయాల్లోకి అడుగిడక ముందు సినీ ప్రపంచంలో ఓ అందాల తార.. ఎదురులేని నాయకి... రాజకీయాల్లోనూ అంతే అడుగి డింది మొదలు ఎన్ని సమస్యలు.. అడ్డంకులు వచ్చినా ఎదురు నిలవడమే కానీ వెనక్కి వెళ్లడం అంటే ఏమిటో ఆమెకు తెలియదు.. ఆమె స్వభావాన్ని కొందరు అహం భా వం అంటే మరికొందరు ఆత్మవిశ్వాసం అంటారు... అదే పంథాను ఆమె నేటికీ కొనసాగిస్తున్నారు. ఇటీవల డీఎంకే నేతలు పలువురు వివిధ కేసుల్లో అరెస్టయ్యారు. ఈ అరెస్టుల వెనుక జయ పరోక్ష ప్రమేయం ఉన్నట్లు వార్తలొచ్చాయి.

బాల్యం...
తమిళనాడులోని శ్రీరంగంలో జన్మించిన జయలలిత ప్రాథమిక విద్యాభ్యా సం బెంగళూరులో చేశారు. అనంతరం మద్రాసుకు వలసవెళ్లారు. 15 ఏళ్ల వయసులో తల్లి ప్రోత్సాహంతో జయలలిత నటనా రంగంలో ప్రవేశిం చారు. ఆమె అన్న విజయకుమార్‌ 1990లో చనిపోయారు.

సినీ జీవితం...
తమిళసినీ రంగంలో ఎదురులేని తారగా జయలలిత వెలిగారు. 1961లో మాజీ రాష్టప్రతి వి.వి.గిరి కొడుకు శంకర్‌ గిరి నిర్మించిన ఇంగ్లీష్‌ సినిమాలో నటించారు. మొదటి సినిమాను మాత్రం కన్నడలో చేశారు. అది చాలా పెద్ద హిట్టు కావడంతో ఆమెకు ఇక వెనుదిరిగి చూసే అవకాశం లేకపోయింది. అన్నిటా విజయమే. తెలుగునాట ఆమెకు అభిమానులు బ్రహ్మరథం పట్టారు. హిందీలోనూ ఆమె కొన్ని సినిమాలను చేశారు. కేవలం నటన మాత్రమే కాదు ఆమె స్వయంగా పదికి పైగా పాటలను కూడా పాడారు.

రాజకీయాల్లోకి...
1981లో ఎంజీఆర్‌ ప్రోత్సాహంతో అన్నాడీఎంకేలో చేరి 1988లో రాజ్య సభకు ఎన్నికయ్యారు. ఎంజీఆర్‌ మరణానంతరం ఆ పార్టీ నాయకత్వ బాధ్యతలను జయలలిత తీసుకున్నారు. మొదటిసారి 1989 తమిళనాడు అసెంబ్లీ ఎన్నికలలో గెలిచి మొదటి మహిళా ప్రతిపక్షనాయకురాలిగా మారారు. అనంతరం చోటు చేసు కున్న పరిణామాలతో 1991లో ముఖ్య మంత్రి గా బాధ్యతలు చేపట్టారు. ఇటీవలి ఎన్నికల్లో ఘనవిజయం సాధించారు.

• 1991 జూన్‌ 24-1996 మే 12 వరకు పూర్తి కాలం ముఖ్యమంత్రిగా ఉన్నారు.
• 1996లో అధికారాన్ని కోల్పోయి ప్రతిపక్ష నాయకురాలిగా కొనసాగారు.
• ఎన్నో క్రిమినల్‌ కేసుల్లో ఇరుక్కుని వివాదాస్పద వ్యక్తిగా ముద్ర పడ్డారు.
• 2001 ఎన్నికలలో పార్టీకి పూర్వ వైభవం తెచ్చారు.
• అసెంబ్లీకి ఎన్నిక కాకుండానే ముఖ్యమంత్రిగా పదవిని చేపట్టి మరిన్ని వివాదాలలో చిక్కుకున్నారు.
• 2001 సెప్టెంబర్‌ 21న సుప్రీం కోర్టు క్రిమినల్‌ కేసుల్లో చిక్కుకుని వున్న వ్యక్తి 163(1)కింద ముఖ్యమంత్రిగా కొనసాగడానికి వీలులేదనే తీర్పు నిచ్చింది. ఆమెపై వారెంటును జారీ చేసింది.
• దీంతో ఆమె ముఖ్యమంత్రి పదవి నుండి తప్పుకోవాల్సి వచ్చింది. పార్టీ నాయకుల్లో ఒకరైన పన్నీర్‌ సెల్వంను తాత్కాలిక ముఖ్యమంత్రిగా నియమించాల్సి వచ్చింది.
• 2003లో జయలలిత తిరిగి తనపై వచ్చిన ఆరోపణలు సవాలు చేస్తూ న్యాయ స్థానంలో పోరాడారు. ఎన్నికల ద్వారా తిరిగి అధికారాన్ని చేజిక్కించుకున్నారు.
• 2006లో అసెంబ్లీకి ఎన్నికైన అనంతరం ఆమె తిరిగి అన్నాడీఎంకే పార్టీ నాయకురాలిగా, అసెంబ్లీ ప్రతిపక్ష నేతగా ఎన్నికయ్యారు.
• 
  
  సాధించిన విజయాలు...
• ప్రయివేటు సంస్థల్లో ఎక్కువ వడ్డీని వసూలు చేయడాన్ని నిషేధించారు
• చెనై్నకి న్యూ వీరనం వాటర్‌ సప్లై పథకాన్ని పూర్తి చేశారు.
• లాటరీ టికెట్ల అమ్మకాలపై నియంత్రణ విధించారు.
• జైళ్లలో, కోర్టుల్లో వీడియో కాన్ఫరెన్స్‌ విధానాన్ని ప్రవేశపెట్టారు.
• వర్షపు నీటి నిల్వ పథకాన్ని ప్రారంభించి విజయ వంతం చేశారు.
• గ్రాడ్యుయేట్‌ విద్యార్థులకు ఉచితంగా సైకిళ్లను పంపిణీ చేశారు.
• ఇటీవల ఎన్నిక సందర్భంగా ప్రకటించిన ఉచిత వరాలను నెరవేర్చే ప్రక్రియ ప్రారంభించారు.
  
  పొందిన అవార్డులు...
• 1972లో తమిళనాడు ప్రభుత్వం నుండి కళైమామని
• 1991లో మద్రాసు యూనివర్శిటీ నుండి డాక్టర్‌ ఆఫ్‌ లిటరేచర్‌
• 1992లో డాక్టర్‌ ఎంజీఆర్‌ మెడికల్‌ యూనివర్శిటీ గౌరవ డాక్టరేట్‌
• 1993లో మధురై కామరాజు యూనివర్శిటీ నుండి గౌరవ డిగ్రీ పట్టా
• 2005లో తమిళనాడు డాక్టర్‌ అంబేద్కర్‌ న్యాయ విద్యాలయం నుండి గౌరవ న్యాయవాద డిగ్రీ
సంఖ్యాశాస్త్రంపై నమ్మకం... జయలలితకు సంఖ్యాశాస్త్రంపై నమ్మకం ఎక్కువే. అందుకు తగ్గట్టుగా, ఆంగ్లంలో తన పేరుకు చివర మరో ‘ఎ’ను జోడించుకున్నారు. టైగర్లపై ఉక్కుపాదం... శ్రీలంకలో తమిళ ఈళం కోసం పోరాడుతున్న టైగర్లపై ఆమె మొదటి నుంచి కూడా ఉక్కుపాదం మోపారు. అందుకే టైగర్ల సానుభూతిపరులు జయలలితను తీవ్రంగా వ్యతిరేకిస్తుంటారు. ప్రొఫైల్

పేరు		: జె.జయలలిత
అసలు పేరు	: కోమలవల్లి
మారుపేరు	: అమ్మ, పురుచ్చితలైవి 
పుట్టిన తేది	: 24 ఫిబ్రవరి 1948
తల్లిదండ్రులు	: సంధ్య, జయరామ్‌
పుట్టిన స్థలం	: మైసూరు  
సామాజిక నేపథ్యం: తమిళ అయ్యంగార్‌
చదువు		: మెట్రిక్యులేషన్‌ (బిషప్‌ కాటన్‌ గర్ల్స్‌ 
		  హైస్కూల్‌, బెంగళూరు)
నేర్చుకున్న నృత్యరీతులు: భరతనాట్యం, మోహిని అట్టం, 
		  కథక్‌, మణిపురి
చేపట్టదల్చిన వృత్తి: న్యాయవాది
రాజకీయ పార్టీ : అన్నాడీఎంకే
చేదు అనుభవం: అసెంబ్లీలో డీఎంకే సభ్యుల 
		  దాడికి గురి కావడం
పదవులు	: 24-06-91 నుంచి 12-05-96 వరకు, 
		  14-05-2001 నుంచి 21-09-2001 
		  వరకు,  2-3-2002 నుంచి 
		  12-05-2006 వరకు ముఖ్యమంత్రిగా, 
		  తిరిగి ప్రస్తుత ముఖ్యమంత్రి