ప్రపంచంలో భౌతికంగా ఒకే రకంగా ఉండే వ్యక్తులు ఏడుగురు ఉంటారని అంటుంటారు. ఆ విషయం ఏమో కానీ తాము ఎంచుకున్న రంగంలో ఒకే విధంగా పాపులారిటీ సంపాదించిన వ్యక్తులు ప్రపంచంలో అనేకమంది కనిపిస్తుంటారు. ఈ ప్రముఖ వ్యక్తులు సముద్రాలు దాటి వేర్వేరు దేశాల్లో జన్మించినా తమ, తమ రంగాలలో ఒకే విధంగా రాణిస్తూ ప్రజలను ప్రభావితులను చేశారు, చేస్తున్నారు. వారు రాణించిన తీరు, జీవనశైలి, ఆలోచనలు కూడా ఒకే రకంగా ఉండడం విశేషం. ఇటువంటి కొందరు ప్రముఖులు, సెలబ్రిటీల గురించి ...
డాన్‌ బ్రాడ్‌మన్‌ - సచిన్‌ టెండూల్కర్‌
ఆసీస్‌ క్రికెట్‌ లెజెండ్‌గా పేరుగాంచిన డాన్‌ బ్రాడ్‌మన్‌ను, నేటి కాలంలో మాస్టర్‌ బ్లాస్టర్‌గా పేరుతెచ్చుకున్న సచిన్‌ టెం డూల్కర్‌ను క్రికెట్‌ చరిత్రలోనే బ్యాటింగ్‌ దిగ్గజాలుగా పేర్కొంటారు. సర్‌ డొనాల్డ్‌ బ్రాడ్‌మన్‌ తన కాలంలో అంతర్జాతీయ క్రికెట్‌లో బ్యాట్స్‌మన్‌గా పూర్తి ఆధిపత్యాన్ని చెలాయించారు. ఆయన 1920 దశకం చివరి కాలం నుంచి 1940 చివరి కాలం వరకు క్రికెట్‌లో బ్యాటింగ్‌ దిగ్గజంగా ప్రఖ్యాతిగాంచారు. ఆ కాలంలో ఆయన బాడీలైన్‌ బౌలింగ్‌ను గట్టిగా ఎదుర్కొన్న బ్యాటింగ్‌ లెజెండ్‌గా పాపులారిటీ సంపాదించుకున్నారు. ఆయన టెస్ట్‌ క్రికెట్‌ కెరీర్‌ను 99.94 సగటుతో పూర్తిచేయడం ఆయన ఎంత గొప్ప బ్యాట్స్‌మనో తెలియజేస్తుంది. ఇక మాస్టర్‌ బ్లాస్టర్‌ సచిన్‌ 16 సంవత్సరాల వయసులో అంతర్జాతీయ క్రికెట్‌లోకి ప్రవేశించారు. ఆ తర్వాత ఆయన ఇక వెనక్కి చూసుకోకుండా బ్యాటింగ్‌ దిగ్గజంగా ఎన్నో రికార్డులను సొంతం చేసుకున్నారు. డాన్‌ బ్రాడ్‌మన్‌ తన 90వ జన్మదిన వేడుకలకు ఆహ్వానించిన ఇద్దరు క్రికెటర్లలో సచిన్‌ టెండూల్కర్‌ ఒకరు కావడం విశేషం. సచిన్‌ సైతం తనలాగే బ్యాటింగ్‌ చేస్తాడని డాన్‌ బ్రాడ్‌మన్‌ కొనియాడారు. ఓ రోజు బ్రాడ్‌మన్‌ టివిలో సచిన్‌ బ్యాటింగ్‌ను చూస్తూ తన భార్యని పిలిచి ‘సచిన్‌ను చూడు...అతను బ్యాటింగ్‌ చేసే విధానం, స్ట్రోక్‌ ప్లే, టెక్నిక్‌, డిఫెన్స్‌ ఇవన్నీ నేను ఆడినట్లే ఉన్నాయి. ఈ వయసులో నేను ఆడలేను కానీ...నా శైలిలో ఆడే సచిన్‌ బ్యాటింగ్‌ను చూస్తే నేను ఆడినట్లే అని పిస్తోంది’ అని సచిన్‌పై ప్రశంసల వర్షం కురిపించారుట.
షేక్స్‌పియర్‌ - కాళిదాసు
ప్రపంచప్రఖ్యాతిగాంచిన ఇంగ్లీష్‌ కవిగా షేక్స్‌పియర్‌ పేరుగాంచితే కవిరత్న కాళిదాసు సంస్కృత కవిగా ప్రఖ్యాతిగాంచారు. కాళిదాసు చక్రవర్తి విక్రమాదిత్యుని కొలువులోని తొమ్మిదిమంది రత్నాల్లాంటి కవుల్లో ఒకరిగా గుర్తింపు పొందారు. కాళిదాసు అభిజ్ఞాన శాకుంతలం, మాళవికాగ్ని మిత్రం, విక్రమోర్వసీయమ్‌ వంటి నాటకాలు, రఘువం శం, కుమార సంభవం, మేఘదూత వంటి కవితలతో సాహితీరంగంలో తనకంటూ ఓ ప్రత్యేక స్థానాన్ని ఏర్పరచుకున్నారు. షేక్స్‌పియర్‌ హామ్లెట్‌, ద మర్చంట్‌ ఆఫ్‌ వెనిస్‌, రోమియో అండ్‌ జూలియట్‌, ఒథెల్లొ, కింగ్‌ లియర్‌ వంటి నాటకాలు వీనస్‌ అండ్‌ అడోనిస్‌, ద రేప్‌ ఆఫ్‌ ల్యుక్రీస్‌ వంటి కవితలతో గొప్ప కవిగా పేరుతెచ్చుకున్నారు.మైకేల్‌ జాక్సన్‌ - ప్రభుదేవా
దక్షిణాది సినిమాల డ్యాన్సింగ్‌ స్టార్‌ ప్రభుదేవాకు పాప్‌కింగ్‌ మైకేల్‌ జాక్సన్‌కు మధ్య ఓ పోలిక ఉంది. ఈ ఇద్దరు డ్యాన్స్‌ చేసే స్టైల్‌ ఒకే విధంగా ఉండడం విశేషం. ప్రభుదేవాని ఇండియన్‌ మైకెల్‌ జాక్సన్‌ అంటారు అభిమానులు.మార్లిన్‌ మన్రో-మధుబాల
ఒకప్పుడు హాలీవుడ్‌ను ఏలిన మహారాణిగా, అందాలతారగా మార్లిన్‌ మన్రో ఎంతో ప్రఖ్యాతిగాంచారు. ఆమె తన అందచందాలు, గ్లామర్‌, నటనతో పలు హిట్‌ సినిమాల్లో ప్రేక్షకులను మైమరపించారు. ఇక మన దేశానికి చెందిన అందాలరాశి, సినీతార మధుబాల సైతం నాడు పలు సక్సెస్‌ సినిమాలో చక్కగా నటించి ప్రేక్షకుల హృదయాల్లో చిర స్థాయిగా నిలిచిపోయారు. వీరిద్దరూ నాడు సినీ రంగాల్లో అగ్రతారలుగా రాణించి అపురూప సౌందర్యరాశులుగా పేరు తెచ్చుకున్నారు. మార్లిన్‌ మన్రో వీనస్‌ ఆఫ్‌ హాలీవుడ్‌గా పేరు గాంచితే మధుబాల వీనస్‌ ఆఫ్‌ బాలీవుడ్‌గా ప్రఖ్యాతిగాంచారు. మార్లిన్‌ మృతి నేటికీ మిస్టరీగా మిగిలిపోతే మధుబాల గుండెకు సంబంధించిన వ్యాధితో మరణించారు. వీరు చనిపోయి దశాబ్దాలు గడిచినా నేటికీ ఈ అందాలతారలను ప్రేక్షకులు గుర్తుచేసుకుంటూనే ఉంటారు.ఓర్సన్‌ వెల్స్‌ - గురుదత్‌
అమెరికాకు చెందిన లెజండరీ సినిమా డైరెక్టర్‌, స్క్రిప్ట్‌ రైటర్‌, యాక్టర్‌, ప్రొడ్యూసర్‌ ఓర్సన్‌ వెల్స్‌. ఆయన రూపొందించిన పోర్ట్రయల్‌ ఆఫ్‌ సిటిజన్‌ కేన్‌ అంతర్జాతీయంగా ఎంతో పేరుతెచ్చుకుంది. ఆయన సినిమాలు ఒక్కోటి ఓ దృశ్య కావ్యంగా పేరుగాంచాయి. వెల్స్‌ మాదిరిగా గురుదత్‌ కూడా గొప్ప డైరెక్టర్‌గా, ప్రొడ్యూసర్‌, యాక్టర్‌గా పాపులారిటీ సంపాదించారు. ఆయన తీసిన ప్యాసా, కాగజ్‌ కే ఫూల్‌ వంటి సినిమాలు ఇప్పటి వరకు రూపొందించిన 100 బెస్ట్‌ ఫిల్మ్‌‌సలో ఒకటిగా పేరుతెచ్చుకున్నాయి. వీరిద్దరి జీవితాలు విషాదాంతంగా ముగిసాయి.జాకీ కాలిన్స్‌ - శోభా డే
సాహితీ ప్రపంచంలో తిరుగులేని రచయిత్రులుగా వెలుగొందుతున్నవారు జాకీ కొలిన్స్‌, శోభా డే. వారి నవలలు పాఠకుల విశేష ఆదరాభిమానాలను చూరగొంటున్నాయి. కేవలం రచయిత్రిగానే కాకుండా కాలమిస్ట్‌గా, సోషలైట్‌గా, డిజైనర్‌గా సైతం శోభాడే పేరుతెచ్చుకున్నారు. ఈ ప్రఖ్యాత రచయిత్రిని టైమ్‌ మ్యాగజైన్‌ ‘జాకీ కాలిన్స్‌ ఆఫ్‌ ఇండియా’కు కీర్తించింది. పాబ్లొ పికాసో - ఎం.ఎఫ్‌.హుస్సేన్‌
మన దేశానికి చెందిన ప్రముఖ చిత్రకారుడు ఎం.ఎఫ్‌. హుస్సేన్‌ను ఫోర్బ్‌‌స మ్యాగజైన్‌ నాటి పాపులర్‌ ఆర్టిస్ట్‌ పబ్లొ పికాసోతో సరిపోల్చింది. వీరి పెయింటింగ్స్‌లో కొన్ని ఒకే శైలిలో రూపుదిద్దుకున్నాయి.ఎం.ఎఫ్‌.హు స్సేన్‌ మహాభారత సీరిస్‌లో భాగంగా గీసిన ‘దుర్యోధ న-అర్జున స్ల్పిట్‌’ పెయింటింగ్‌ పికాసో ‘గ్యుర్నికా’ పెయింటింగ్‌ ఒకే శైలిలో రూపుదిద్దుకున్నాయని ఆర్ట్‌ లవర్స్‌ పేర్కొంటారు.షేక్‌ సౌద్‌ బిన్‌ అల్‌ థాని - మహరాజా యశ్వంత్‌ రావు హోల్కర్‌ 2
షేక్‌ సౌదా బిన్‌ అల్‌ థాని ఓ అరబ్‌ షేక్‌. మహరాజా యశ్వంత్‌ రావు హోల్కర్‌ 2 మన దేశంలోని ఓ రాజ్యా న్ని పరిపాలించి చాలా సంవత్సరాల క్రితం మరణించిన రాజు. కానీ వీరిద్దరి మధ్య ముఖ కవళికలు, పోలి కలు ఒకే విధంగా ఉంటాయి. ప్రస్తుతం జీవించి ఉన్న షేక్‌ తాను గత జన్మలో మహరాజునని నమ్ముతారు. ఖతర్‌ దేశానికి చెందిన ఓ రాజు భావమరది అయిన షేక్‌ ఓ రోజు అమెరికన్‌ ఆర్టిస్ట్‌ మ్యాన్‌ రే గీసిన మహ రాజా యశ్వంత్‌ రావు హోల్కర్‌ 2 చిత్రపటాన్ని చూశారు. ఆ రాజుకు తనకు మధ్య పోలికలు ఉండడాన్ని గమనించిన ఆయన తానే గత జన్మలో ఆ రాజునని చెబుతారు. ఇద్దరూ సన్నగా ఉండడంతో పాటు ముఖం లోని వివిధ అవయవాలు సరిపోలినట్లు ఉంటాయి. ఐశ్వర్యవంతుడైన షేక్‌ దివంగత మహరాజా పెయింటింగ్‌లో పోజుతో ఫొటోలను కూడా తీయించుకున్నారు. ఇక మహరాజా 1961 సంవత్సరంలో మృతిచెందగా షేక్‌ జన్మించింది మాత్రం 1966లో.టామ్‌ హ్యాంక్స్‌ - అమీర్‌ ఖాన్‌
పలు చిత్రాల్లో వెరైటీ క్యాప్స్‌తో అలరించిన టామ్‌ హ్యాంక్స్‌, అమీర్‌ ఖాన్‌లు ముఖ కవళికలు కూడా ఒకే విధంగా ఉంటాయంటారు వారి అభిమానులు. వారి నటన కూడా ఒకేవిధంగా ఉంటుందని చెబుతారు. ఇక ఆసియా సొసైటీ ఇంటర్వ్యూలో అమీర్‌ఖాన్‌ మాట్లాడుతూ హ్యాంక్స్‌కు తనకు మధ్య పెద్దగా పోలికలు లేవని కొట్టిపారేశారు. సుసాన్‌ సరండన్‌ - షబనా ఆజ్మీ
చక్కటి నటనతో ఎన్నో అవార్డు లను గెల్చుకున్న నటీమణులు సుసాన్‌ సరండన్‌, షబనా ఆజ్మీలు. హాలీవుడ్‌లో ఒకరు, బాలీవుడ్‌లో ఒకరు పాపులారిటీ సంపాదించుకున్నారు. సేవా కార్యక్రమాల్లో పాల్గొనడంలో వీరిద్దరూ ఎల్లప్పుడూ ముందుండడం వీరిద్దరికీ ఉన్న ఓ మంచి లక్షణం.
రాబర్డ్‌ డి నీరో - అమితాబ్‌ బచ్చన్‌
నాటి నుంచి నేటి వరకు దశాబ్దాలుగా సినీ రంగంలో పాపులర్‌ హీరోలుగా పేరుతెచ్చుకున్న వ్యక్తులు రాబర్డ్‌ డి నీరో, అమితాబ్‌ బచ్చన్‌లు. హాలీవుడ్‌లో రాబర్డ్‌ డి నీరో పలు హిట్‌ సినిమాలతో ప్రేక్షకులను ఉర్రూతలూగిస్తే బాలీవుడ్‌లో బిగ్‌ బి యాంగ్రీ యంగ్‌మన్‌గా ప్రేక్షకులను అలరిస్తున్నారు.ఫ్లో జో - ఆశ్విని నాచప్ప
ప్రపంచంలోని గొప్ప లేడీ అథ్లీట్స్‌లో ఒకరైన ఫ్లోరెన్స్‌ గ్రిఫిత్‌ జాయ్‌నర్‌ 1988 సియోల్‌ ఒలిపింక్స్‌లో స్ప్రింట్‌ డబుల్‌తో పాటు రిలేలో గోల్డ్‌ మెడల్స్‌ను సాధించి అం దరి దృష్టిని ఆకర్షించారు. కేవలం అథ్లెటిక్‌గానే కాకుండా ఆమె ఫ్యాషనబుల్‌ వస్త్రాలు ధరించడం, ఆరు అంగుల పొడవైన రంగు, రంగుల చేతి గోర్లతో ఆ కాలంలో ఫ్యాషన్‌ సింబల్‌గా నిలిచారు. ఇక ఇదే తరహాలో మన దేశానికి అథ్లెట్‌ అశ్వినీ నాచప్ప కూడా పేరు తెచ్చుకున్నారు. 1980 చివరి దశకం నుంచి 1990 దశకం ప్రారంభం వరకు అశ్విని నాచప్ప గొప్ప అథ్లెట్‌గా పాపులారిటీ సంపాదించుకోవడమే కాకుండా ట్రెండీగా హెయిర్‌ స్టైల్‌, ఉపయోగించే ఫ్యాషన్‌ యాక్ససరీస్‌తో అందరినీ ఆకట్టుకున్నారు.బిల్‌ గేట్స్‌ -అజీమ్‌ ప్రేమ్‌జీ
2010 సంవత్సరం ప్రారంభంలో ఫోర్బ్‌‌స మ్యాగజైన్‌ అజీమ్‌ ప్రేమ్‌జీని సాఫ్ట్‌వేర్‌ మొగల్‌ బిల్‌ గేట్స్‌తో సరి పోల్చింది. గేట్స్‌ మాదిరిగానే విప్రో చైర్మన్‌ అజీమ్‌ సైతం తన ఆదాయంలో పెద్ద మొత్తాన్ని ఛారిటీ కార్యక్రమాలకు వెచ్చిస్తూ వస్తున్నారు. ఆయన తన అజీమ్‌ ప్రేమ్‌జీ ఫౌండేషన్‌ ద్వారా 2010 డిసెంబర్‌లో 88,460,000,000రూ.లను సేవా కార్యక్రమాలకు కేటాయించడం విశేషం. 2011 జూన్‌లో ఆసియన్‌ హీరోస్‌ ఆఫ్‌ ఫిలాంత్రపీగా కీర్తించిన దేశంలోని నలుగురు ప్రముఖులలో ప్రేమ్‌జీ ఒకరిగా నిలిచారు. -ఎస్‌.అనిల్‌ కుమార్‌
No comments:
Post a Comment